The Growing Trend of Human Defamation on Social Media: Causes and Remedies in the Context of Islamic Teachings

Abstract

سائنس اور ٹیکنالوجی کی زبردست ترقی کی وجہ سے دنیا گلوبل ولیج بن گئی ہے۔ جدید دور میں پرنٹ اور الیکٹرانک دونوں ذرائع ابلاغ بالخصوص سوشل میڈیا جیسے فیس بک، واٹس ایپ، ٹویٹر، میسنجر زندگی کا ایک اہم حصہ بن چکے ہیں۔ گھروں میں بیٹھ کر، دنیا بھر میں آسانی کے ساتھ بات چیت کرنا، سوشل میڈیا کی وجہ سے ہی ممکن ہو سکا ہے۔ زیادہ تر لوگ اسے مثبت طور پر استعمال کرتے ہیں، لیکن اس کا منفی پہلو بہتان تراشی اور حیوانیت پسندانہ رویوں کا بڑھتا ہوا رجحان ہے۔ آج کل عام لوگوں کے ساتھ ساتھ مذہبی شخصیات کی توہین کا سلسلہ جاری ہے اور اسے اظہار رائے کی آزادی سمجھا جاتا ہے۔ اس مقالے کا مقصد سوشل میڈیا پر توہین آمیز رویوں کی وجوہات اور اسلامی تعلیمات کی روشنی میں اس کا حل تلاش کرنا ہے۔ مقالہ میں مذکور بحث سے یہ نتیجہ اخذ کیا گیا ہے کہ سوشل میڈیا پر عوامی شخصیات کو بدنام کرنا اور بے جا تنقید کرنا انسانیت کی توہین ہے نیز عریاں تصاویر پوسٹ کر کے مردوں اور خواتین کو بلیک میل کرنے کا بڑھتا ہوا رجحان بھی توہین آمیز ہے۔ سیاسی اور مذہبی وابستگیوں کی بنیاد پر جھوٹی خبریں اور معلومات پیش کرنا معاشرے میں صبر اور برداشت کے جذبے کو مجروح کر رہا ہے جس سے اجتناب لازم ہے۔